Úr viðtali við Jorund Eyford, 1989

Ævi: Jorundur Eyford fæddist 2. ágúst 1910 á Siglunesi í Manitoba. Foreldrar hans voru Framar Jónsson úr Eyjafjarðarsýslu og Baldrún Jörundsdóttir úr Suður-Þingeyjarsýslu. Jörundur lést 4. maí, 1997.

Lengd: 2:24

Umritun á viðtali:

Laurence Gillespie, spyrill: Hve gamall varstu þegar þú fórst að lesa á íslensku?

Jorundur Eyford: Ég hef verið á skólaaldri þegar ég byrjaði á því.

Laurence Gillespie: Varstu nokkuð farinn að lesa á íslensku áður en þú byrjaðir í skóla?

Jorundur Eyford: Nei, alls ekki. Foreldrar voru ekkert að leggja of mikið á sig til að börnin þeirra lærðu íslensku. Við lærðum hana nú samt.

Laurence Gillespie: Hvaða bækur voru hafðar við höndina þegar þú lærðir íslensku? Var það einhver ákveðin bók sem foreldrar þínir studdust við?

Jorundur Eyford: Já, þeir áttu Stafrófskver. Nú og svo var Lögberg og Heimskringla. Og það var Sólskin, sem var hluti af Lögbergi. Það var fyrir unga fólkið.

Laurence Gillespie: Og hver ritstýrði því?

Jorundur Eyford: Dr. Johannesson var ritstjóri í upphafi, að mig minnir.

Laurence Gillespie: Og hver var hann?

Jorundur Eyford: Hann var mikilsvirtur læknir hér í Winnipeg.

Laurence Gillespie: Hafðir þú einhver persónuleg kynni af honum?

Jorundur Eyford: Ha?

Laurence Gillespie: Hafðir þú einhver persónuleg kynni af honum?

Jorundur Eyford: Lækninum? Já, mikil ósköp.

Laurence Gillespie: Hvernig kynntist þú honum?

Jorundur Eyford: Systir mín smitaðist af barnaveiki árið 1921 eða þar um bil. Hann kom á ásamt hesti og ekli, þeir fóru um fjörutíu mílna veg á eineykissleða. Þetta var í janúar, og honum tókst að bjarga henni. Og enginn annar smitaðist.

Jorundur Eyford: Hvers konar þóknun tók hann fyrir?

Laurence Gillespie: Ha?

Jorundur Eyford: Hvers konar þóknun tók hann fyrrir svona lagað?

Laurence Gillespie: Það man ég ekki. Ekillinn fékk 35 dollara … Það er það eina sem ég man. Svo voru læknirinn og faðir minn persónulegir vinir. Hann hefði aldrei þrýst á hann. Og hann var afar góður maður.