Pactonewok : e pamohorewetcik
Wetan e wawitcikatek tan e aitotiskewaspan pactonewok.
Niki kirawe ka mirwesitcik miro kiskeritamopanak ite e ici micta kwackwepisoritci namesa notc kirowe e mamicikitiritci. 1900 ka iti tatopiponikak nehirowisiwok kirowe natawerimakaniwipanak kitci pactonewitcik. Pactone askik ka ototetcik iriniwok, enko niki ka akacehawaspan kirowe nehirowisiwa.
Sam Astrachère, mekotekorew opactonema
Ki kiskeritenawaw e ici matisiwapan nehirowisiwok. Ntohopanak acitc wepahapepanak kitci matcihitisotcik. Ekoni wetci micta kiskeritamowaspan otaskiwaw. Kiskeritamopanak ite ke icatcik kirowe ke ki ici napatasotcik kecpin otcitakotc wi kiwerawokopanen namesa epwamoci tipiskarik.
Kice okimaw Théodore Roosevelt acitc opactonema Arthur Lirette, 1915
Anotc tca mitcet « pourvoirie » ka icinikatek akacehewok pactonewa misawatc aka e nehirowisiritci. Awik ka miro kiskeritak e ici micta nameskarik acitc e kiskeritak e ici matcinaniwok e wepahapaniwok kitci tca kiskinohamakeritci e ici kiskeritak. Kecpin tca e kwackwepitatcik nipara namesa rareak kotowewok kitci tcipakosotcik. « Shore lunch » icinikatamok niheriw ka totakik.
Pactoneskwew Sandra Caron, 2018
Sandrine Caron, (Emitcikocictew acitc ekarecactew ka masinatek)
Kanawapata « vidéo » acitc ka masinatek (Nehirowictew / Atikamekw)