Atisokan : Mauricie askik e wepahapaniwok

Ota Mauricie askik, aci micta weckatc atisokaniwon e ki pe nta wepahapaniwok.  Nihe Mauricie aski 40 000km irikoskimikaw micta tca mitceno sakihikana neta.  Neherisiwok wirictamiwaw ki pa wepahapewok neta, tepirak kitci matcihitisotcik.

Kek nama tepirak kitci matcihitisonaniwok ki pe nta wepahaniwon ota, aniki ka sakitatcik e wepahapetcik ki pe takocinok. Tepirak aric ka misikitatcik ki pe nta  ocitawok niheriw « club privé » ka icinikatek, tepirak tca wirawaw kata ki icapanak neta.  Nac aric kiskana awik matci kata ki pe nta wepahapepan neta Mauricie askik, ni apitc wiec 1970 ka tatokonakisitc. Anotc tca 74 irikik tatino « pourvoiries » ka icinikatek taci pe icatcik ka pe nta wepahapetcik. Mitceniw otatisokaniwaw aniki ka mita pe nta wepahapetcik, nakwi aitatisokana.

Club Triton 1895 – « Shore-lunch » e ickwa wepahapaniwok

Mitceto pipona ki pe icawok aniki wepahape iriniwok e mireritakik e pe icatcik neta « pourvoiries » ka icinikatek Mauricie askik.  Atita e wi kockwepitatcik e mawotci micikitiritci namesa.  Atita e wi kiskeritakik tan e ici matciwaspan nehirowisiwok e wapahepetcik neta ka tacikewaspan Mauricie askik.  Ki mitcetiwok e ki pe nta aitaciketcik neta  « pourvoirie » ka icinikatek, nama tepirak kitci wepahapetcik, tepirak kitci pe nta nipinicitcik.

Ekoci pe icakw  kitci pe nta nantokiskeritamekw e aicinakok ohwe Mauricie aski acitc kitci kiskerimekok ka wiki wepahapetcik ka ki aitatisoketcik weckatc nac anotc.