Kice wepahape iskwewok
Weckatc tepirak iriniwok acteripan kitci pe nta wepahapetcik. Aric, kotc ka iti ocki pipok 1900 ka tatopiponikak mitcet iskwewok ki micta sakitawok e wepahapetcik. Enko naha peikw iskwew Anne Stillman Mc Cormick icinikasopan, Mauricie okimakwew icinikatakaniwipan. Minawatc kotak Monique Farrar. Enko naha iskwew ka ki witcihiwetc « pourvoirie Farrar » ka ocitakiniwonik. Enko kaie nictam iskwew ka ki apitc kitci tiperitak neta « Association des Pourvoiries » ota Québec askik.
Anne Stillman
Naha iskwew micta sakitapan notcimik e pa aicatc. Tekaci nama kicterimopan misawatc e micta misikitaspan. Potter icinikasopan naha iskwew. Tecikotc ki micta mireritam e pa aitaciketc ota Mauricie askik ni apitc otehimin pisimw 1916 ka tatopiponikak. Wapamakaniwopan ko e pamickatc neta sakihikanik Duchesne ka icinikatek acitc nihi opactonema nehirowisiwa, Fred Beauvais icinikasoripan. 1928 tatopiponikapan ka otapinak askiriw « 500 milles carrés » e e irikwaskimikarik, ki tca micta manatcitaw neheriw otaskim.
Icpimik e otapitcikaterik Anne Stillman otaski, 1925
Naha tca peikw iskwew ki itakaniwiw pa wecimew onapema, neheriw nehirowisiwa ki wirimocecikopan. Ki micta arimotcikatew nihe ka ititakaniwok. Ki arimitakosiw naha iskwew. 1931 ka tatopiponikak ki koski nipowiwok niki Anne acitc Mc Cormick, anotcikwetc tca e ki ici wepinotowaspan. Naha Mc Cormick ki micta misikitaw. Nihi tca Rockfeller ka icinikasoritci e ki mirikotc tan e ici titamirispan. Mocak ki pe icaw ota naha iskwew acitc onapema nac ka nipotc 1969 ka tatopiponikarik.
Sakihikanicik Bastien ke ici wepahapaniwok, 1946
Monique Farrar
Kotak peikw iskwew atisokateriw ka ki ici kackitatc. 1974 ka tatopiponikak, niki witcicanak Farrar ka icinikasotcik, Moriak pe otci atikewwok kitci pe nta ocitatcik « pourvoirie » ota Mauricie askik. Ka niporitci onapema Monique Farrar acitc onitcanica wirawaw ki mitawok niheriw « pourvoirie ». Wiec 1980 ka tatopiponikak nac nete Oscar sakihikanik itekera ki ici rikitawok niheriw « pourvoirie » ka mitatcik. Awocamec 40 tatiniw sakihikaniw, sipiciciriw acitc sipiriw taci ke ki nta wepahapaniwonik. 2013 ka tatopiponikak, epwamoci nipotc Monique Farrar, aci 40 tatopipona takonipan niheriw « pourvoirie » ka ki cenakipan.
Monique Farrar, iskwew ka coweritciketc acitc aka ka atwerimotc, 2013
Monique Farrar acitc e niciritci okosa : Donald acitc Jean-Claude, 2013
Anotc tca aci okosa Donald acitc Jean-Claude kaie tca osima Léa tiperitamiriw. Kaskina e tacitcik niki micta sakitawok e mitatcik ka ki nakatamikotcik okawiwaw !