Pourvoiries : e tcirowemitonaniwok atisokan

Aka kockoparik kecpin nisitowinowekwe awik « Pourvoiries » ka mitatc. Mitceno maka nihi « pourvoirie » nanikotin kaskina tcirowemitowok aniki ka ki otitikotcik peikw « Pourvoirie » kitci mitatcik. Aniki ka titakik « pourvoirie » micta sokariw otcirowetcikaniwaw.  Tawok okice omocomiwaw e ki manikeritci neta « pourvoirie » ka ki otitikotcik.  Okice omocomiwaw ki mitariw notcimi meskanariw acitc nictam « pourvoirie » ka ki takonik.  Anotc tca aci mitowi nipewokamok ki icinakotakaniwon aniki otci notcimik ka mita icatcik.

Max et Michel Béland, (Emitcikocictew acitc ekarecactew ka masinatek)
Kanawapata « vidéo» acitc ka masinatek (Nehirowictew / Atikamekw)

Mitcetciwok awacak e ki taci matcekitcik neta « pourvoirie ».  Kice mireritakon notcimik e pamatisinaniwok e pa metowaniwok orowitamik kipe kicko, e nta pakopekwackotinaniwok sakihikanik kotc e iti sakasiketc pisimw e tca kockowocik, e pa mawotcitakaniwok « champignons » notcimik ka nitawokik acitc e pa wepahapaniwok e ici micta nameskak.  Kiapatc anotc wirawaw aci onitcaniciwawa mitariwa niheriw « pourvoirie ».  Kaskina e tacitcik e witcicanimitotcik, atita notcimik otamirowok, atita tcipakwekomok, atita pamohorewok mantewa sakihikanik e miro kiskeritakik e aicikamarik.

Les soeurs Scalzo, (Emitcikocictew acitc ekarecactew ka masinatek)
Kanawapata « vidéo» acitc ka masinatek (Nehirowictew / Atikamekw)

Tan e ici tapickotc itatisitcik aniki kaskina ka tcirowemitotcik ? Kaskina e tacitcik micta sakitawok notcimik e pa matisitcik acitc kicterimewok mantewa.  Ka wi totakik ? Ki wi mireritamihikowaw mitowi wirawaw ka ki ici mireritakik ka awaciwaspan.  Nokoniw matci kitci ki pamatisinaniwok notcimik peikon tca kitci mirerimakaniwitc kaskina awik. Tarasak mia e tcirowemikoin iteritakon e pa witcitacikematcik .

Tremblay witcicanak atisokatakaniwok