« Clubs privés » ka icinikateki: kitci iriniwok ka taciketcik

Québec-Lac-St-Jean ki nataweritam kitci ocitakaniwonik « Clubs chasse et pêche »¸ Mauricie askik. Niheriw tca ki otitiko sakihikaniw Grandes-Piles ka icinikaterik anotc Lac Edouard ka icinikatek. 1886 ka tatopiponkak ki mitcetiwok pactonewok e micta misikitatcik e ki pe nta wepahapetcik, macimekosa e wi kwackwepitatcik awocamec 10 e tato totawatcikanesiritci.

Sepia-toned photo of a group of people on the porch of the private club known as Laurentide House. The women and children are seated, while the men are standing with their fly- fishing rods. All are elegantly attired.

Mantewok neta Laurentide House – wiec 1887-1890

Nihi kaskina « Clubs privés » : « Laurentide House » acitc « Paradise Fin and Feather club », anotc aci « Lake Edward fish and Game club » icinikatew. Ki manikaniwon mitcetc mikiwama ki tca itapiketitakaniwon onimiskiw ickoteapi kirika miskomiwoca ki actakaniwon tato mikiwamik. Mitcet mictikw tcimana acitc towekanak ki otapinikatew mantewok otci. 1915 nac 1945 nehirowisiwok micta nataweritakosipanak kitci pactonewitcik osam e miro kiskeritamowaspan ite e ici micta kwackwepisotcik namesak.

Black and white photo of a stylish house on the edge of a river. A smaller house on the right is partly hidden behind soaring spruce trees.

” Club House du Triton Fish and Game “, 1893

Annie Tremblay, Seigneurie du Triton (Emitcikocictew acitc ekarecactew ka masinatek)
Kanawapata « vidéo » acitc ka masinatek (Nehirowictew / Atikamekw)

Ki mitcetiwok ekarecawok e ki pe icatcik neta Lac Edouard. Pitoc kaie wirawaw e ici pimatisitcik peikon ekoni e aitotamowaspan notcimik e taciketcik. Tato kicko e new tipahikanearik wicakemopan naha iskwew Hoffman ka icinikasotc kitci pe nta minikwaniwonik nipicaporiw. Nihi ko Kruger, Stern, Rockfeller acitc Ziegfeld ka icinikasotcik wicamakaniwipanak. Naha iriniw Ziegfeld, enko ni ko ka ocitason masinactetikaniw. Takonopan otenacic neta wir naha e tiperitakipan. Niaranipan mikiwamiriw taci e tacikerispan kaskina otarotakana. Takonipan tipirowe omikiwamiwaw acitc otiskwema. Naha iskwew tato kicko itepan kitci kisisipatakaniwonik acitc cockwekahikaterik wapowana. Onapema tca pa nantowamepana micta arikica, tretew ka icinikatakaniwiritci, kitci ki acamatc tretew opwamiriw omantema. 1920 ka tatopiponikak aci pamiparinopan peikw otapan Ford neta otenak. Pactone askik ki otci pe positakaniwonopan ickote otapanik nihe otapan.

Black and white photo, a group of fishermen in front of the private club on lac Wayagamak, in the background several fish hang from a wooden pole.

” St-Maurice Fish and Game Club du Wayagamac” , wiec 1910

Wiec 1960 ka tatopiponikak kice okimawok ki orakonikewok kitci kicikaterik atoske askirik tato pipona. Niheriw wetci ki orakoniketcik aka kaskina wiec kitci pa natoswaniwonik kaie wepahapaniwonik aka tca kitci tcakohakaniwitcik awesisak. 1977 ka tatopiponikak nihe « clubs privés » aci nama takonopan,nihe tca aci « ZEC » acitc « pourvoiries » ki icinikatew. Takono ota Mauricie askik e micta mirwacik mitowi « Seigneurie du Triton » esko 1891 ka ocitakaniwok. Weckatcic aci ki pe icawok neta Churchill, Rosevelt acitc Truman. Ki kice okimawok aniki kaskina.

Ickote otapan Wepahape atisokan